بابا كان بـ يضربني علشان أنا تخينة.
وانا 13 و14 سنة، ماما كان عندها يقين إني مش هـ تجوز
علشان أنا مليانة.

عندي قورة كبيرة شوية،
طول عمري بـ يتنمروا عليا بسبب شكلي، وقورتي، وشعري
-الـلـي مش وحش بالمناسبة- بس طبعًا مش حلو زي عيلتي الـلـي شعرهم حلو جدًا.
طول عمري بـ سمع عبارات زي "الإريال؟ شعرك هـ يلقط القنوات".

"مفيش راجل جسمه كده"
أنا مش قادر أتقبل جسمي بالشكل الكافي،
بس ده مش بسببي، ده بسبب أغلب الناس الـلـي حواليا.
بداية من أهلي بقى لحد أصحابي،
وبعد كده الصورة النمطية عن "الراجل"، ومعايير الذكورة أو الرجولة في المجتمع.

حسيت إن حد بـ يلعب معايا مصارعة حرة
وداخل يقتحم ويقضي على كل حاجة
وما عندوش استعداد يسمع أي حاجة
والبقاء للأقوى
كان ممكن اتصارع، واكسب الجولة، بس أنا انسحبت
علشان دي مش جولتي، وأنا مش جاية علشان آخد كاس.

الجنسانية، الجسم، العلاقات العاطفية

أنا ولد، 17 سنة….
كان على طول تريقة عن إني رفيع، رفيع، دايمًا.
أنا ما كُـنـتـش رفيع رفع هزيل ومُلفت،
كنت وزني مثالي، لا ناقص كيلو، ولا زايد كيلو.
بس التريقة ما كانـتـش بـ تيجي من المجتمع الكبير،
للأسف كانت بـ تيجي من المجتمع الصغير، البيت؛

وانا طفلة قبل ما أتم خمس سنين، أمي كانت قاصة لي شعري الكيرلي الإسود جرسون،
ودايمًا كانوا أصحاب أختي يسألوها: "أخوكِ اسمه إيه؟"،
فـ تلفت نظرهم للحلق، وتوضح لهم إني بنت.

أنا ولد، مش تخين، بس عندي صدر،
واحنا في مجتمع ريفي، بـ يتبص علي صدري قبل شكلي،
وبـ لاقي مضايقة من كل الناس، في الشارع، في الدروس، وفي المدرسة.
الجسم، التنمر، الذكورية

أول مرة جت لي كنت عند جدتي، كنت 12 سنة.
ساعتها قعدت أعيط؛ عشان كنت فاهمة إني كده كبرت خلاص،
وماما وأهل بابا قعدوا يزغردوا، وبابا كان مبسوط .

أنا شعري كيرلي، وبحبه جدًا
تعبت من كلام الناس الغبي،
ونزولي الشارع من أوحش الحاجات الـلـي بـ تحصل لي
مغص فظيع كل ما آجي أنزل، مش عارفه ده social anxiety ولا إيه
أنا عندي ثقة في نفسي، وبحب شعري،
وكان نفسي الناس تتقبل الاختلاف

الشارع، الشعر

أنا ما كنتش أعرف أي حاجة خالص عن البيريود
ولما سألت كل اللي اتقال لي عنها هو تعريفها القاموسي:
الدورة الشهرية هي عبارة عن تغيير فيسيولوجي
يحدث للفتاة أثناء فترة البلوغ وعندما لا يحدث تلقيح للبويضة،
ما فهمتش أي حاجة.