أنا، وأمك، وخالاتك، وعماتك، وأبوكي، وعمك، وجدك
هـ نيجي تكوني مجهزة الفوط، وتـرفعى رأسنا

كنت في أولي إعدادي ماما وبابا قالوا لي:
"انتي كبرتي ولازم تتطاهري"
ما كنتش فاهمة هـ يحصل إيه بعدها، ولا هـ يعملوا إيه بالظبط،
كل اللي فهمته إن لو ما شلتش الجزء ده هـ بقي شبه الرجالة.

كانوا خطين من أول هنا لحد هنا
ومع الوقت قعدوا يقربوا، يقربوا، يقربوا... لحد ما تقريبًا اتمسحوا
ما كانش صعب إني أتنازل عن حدودي الأولانية لأنها لعبة
أول ما بـ تدخل فيها، بـ تحس إن حاجة بـ تجيب اللي وراها

العذرية، الجسم، الجنس

كنت عارفة موضوع الختان من أصحابي البنات في مدرسة ابتدائي،
كانوا بـ يتكلموا بينهم كلام سري ومتقطع،
ومحدش بـ يقول بشكل صريح،
بس عرفت في الآخر من واحدة صاحبتي إنهم بـ يقطعوا مني جزء؛
عشان الست ما تكونش شبه الراجل،
وإن جوزها بـ يعرف بعدين إنها ما اتطاهرتش.

لفترة طويلة جدا يمكن لحد بعد ثانوى كنت فاكرة إن كل البنات كده وبعدين بدأت أكتشف إن لأ، فيه بنات مش زيى …
ما كنتش عارفة ده معناه إيه ... إيه الفرق؟
كنت بـ تجنب طول الوقت التفكير فى تفاصيل التجربة نفسها …
لحد ما اتكونت سحابة سودا على ذكرى الحادثة فى مخى.

جوزي عرف عن حالته، لكن خبى عليا لمدة سنتين
أواخر التسعينات، أخت جوزي كانت بـ تولد قيصرية
وهو راح يتبرع لها بالدم
لما حللوا الدم بتاعه، عرفوا، بس أنا ما عرفتش
بتوع الطب الوقائي استدعوه كذا مرة
وهو لما سألته ليه بـ يستدعوه قال لي: "طلع عندي فيروس سي"

الوصمة الاجتماعية، الزواج، الجنس، فيروس نقص المناعة البشرية

كنت صغير لسه، كان عندى 8 سنين لما نزلت الورشة واشتغلت فى الأجازة
ما كانـش فيه نت وهما قـنـاتـيـن فى التليفزيون
فـما كـنــتـش أعرف ولا أفهم حاجة فى موضوع الجنس عامة.
كان معايا شاب 17 سنة
بدأ يكلمنى عن الجنس والعادة السرية والمغريات

كنت في ابتدائي لما اتختنت….

كنت عارفة عن الموضوع لأن بنات قرايبي حصلهم ده قبلي،
بس كنت فاكراه حاجة حلوة، وإني لما أعمله هـ كبر، وهـ بقى بنوتة،
كنت عارفة أنا رايحة فين، وهـ يحصلي إيه،
بس ما كـنـتـش فاهمة ده هـ يحصل إزاي.
العنف المبني على النوع؛ العنف الجنسي؛ العنف الجسدي؛ الختان؛ الجنس

أمي قعدتني، وقالت لي إنها محتاجة تـتكلم معايا في موضوع
وقَعَدِت تقول شوية كلام يكسف، ومش مفهوم
وانا بصراحة كنت بـ تغدا، فـ ما ركزتش معاها
"أنتِ كبرتي دلوقتي، وممكن حد يلمسك
إوعي حد يلمسك".

الوالدين، التربية الجنسية، الجنس

فيه حاجات ما أعرفش أحكيها بسهولة لأي حد، لأن الناس بـ تحكم
أي حاجة ليها علاقة بجسم البنت، باحتياجات البنت، برغبات البنت
على طول يـ تقال: "إيه ده؟ دي صايعة، دي سافلة"