أي واحدة فى الدنيا ربنا بـ يبقى خالقها بحاجة، جوزها بس هو الـلـي بـ ياخدها
أنتِ من يوم ما اتولدتي، وربنا كاتب لك إنك هـ تتجوزي
الحاجة دي بقى الـلـي عندك، هو هـ ياخدها النهارده

كنت بـ اشتغل على البوابة عند المأمور
كنت آخد على 10 شِيَل خرطوشتين سجاير
بـ يجيني من الناس الـلـي بـ تزور حاجات -كانز وكده-
لحد ما اتحاكمت

اتجوزت بعد قصة حب 6 سنين
كان بالنسبة لي كل حاجة في الدنيا
اصريت عليه، بالرغم من الفرق الاجتماعى الكبير
أهلي قالوا لي: "مرتبه مش هـ يعيشكوا
دول مش شبهنا".

كان يوم خرا يوم ما جيتي
أنتِ وحشة
وعمر ما حد هـ يحبك، ولا حد هـ يفكر يتقدم لك
والـلـي يتجوزك ده تبقى أمه داعية عليه

قصتي أنا لسه عايشة فيها لحد دلوقتي،
ابتدت لما بابا خلاني أسيب خطيبي الـلـي بـ يحبني،
بس عشان اختلفوا،
وقالي: "ربنا هـ يرضى عنك عشان بـ تسمعي كلامي".
اتقدملي ابن عمي، وبابا أقنعني إني أتجوزه،
وبدون أسباب واضحة، بابا كان بـ يوافق على كل شروطهم هم،

أنا بـ شتغل، وبـ طبخ، وبـ غسل، وبـ نضف، وبـ آخد بالي من البيبي
مش قادرة، حاسة إني عايزة أجازة من حياتي
آه، أنا عارفة إن احنا نُعتبر عايشين مستريحين، وإن في غيرنا كتير فقرا فعلاً
لكن هـ تلاقي إن الست مش بـ تـشـتـغـل

الزواج، العلاقات العاطفية

في فترة الجهاز بقيت بـ شوف تجاوزات بينه وبين الخدامة،
ويحصل مشاكل، ويرجع يعتذر، ونتصالح.
اتجوزنا، وبعد جوازنا بأيام ابتدت المشاكل،
هو وأمه رفضوا إن الشغالة تمشي، اتقالي هي ست البيت.
جوزي رفض ياكل من إيدي، وما بـ ياكلـش غير من إيديها.
ابتدت تـتحكم فيا أنا كمان….

احنا خلصنا تعليم وكلية ففيه ناس بـ تسأل: "ما اشـتـغـلتـيـش ليه؟"
بس الأغلب بـ يسأل: "ما اتخطـبـتـيـش ليه؟"
مش يمكن إن أنا مثلا مش حابة أتخطب وحابة أشتغل؟
يمكن يعني حابة إن أنا يبقى عندي شغلي وناجحة فيه وبحبه أكتر من إن أنا أتخطب؟

أختي حكموا عليها إنها ما تـ خـشـش ثانوي عام
قالوا لها: "كده كده البنت بالنسبة لها آخرها أصلًا بيت جوزها
وحتى لو خلصت، أصلًا مش هــ تـشـتـغل".

كنت بحب أنام بين أبويا وأمي، كنت بحب شوية أحضن أمي، وشوية اتقلب الناحية التانية أحضن أبويا.
وجه يوم أبويا ما جاش، فضلت سهران طول الليل مستنيه