من التعليقات الـلـي سمعتها:
"إيه المقشة دي؟"
"يا مجنونة"
"أم شعر يقرف"
"شعرها بلح"
"أنتِ حلوة، بس لو تسرحي شعرك"

من وانا صغيرة، أمي كانت بـ تـتـعـمـد تسرح شعري وتـلمه جامد
عشان أسلم من تعليقات الناس عليه
فضلت كتير جدًا مش بـ نزل من البيت غير وشعري مفرود
وصل معايا الموضوع إني بـقـيـت بـ تكسف في المصيف
عشان مش هـ قدر أفرد شعري يوميًا بعد البحر

كنت طول عمري بـ تخيل نفسي بشعر قصير
لحد ما فعلا قصيته
كنت مبسوطة جدا
كأنى لاقيت نفسي

من وانا صغيرة كانوا مفهميني إني شعري مش حلو….
بـ عمل فرد لشعري من ابتدائي،
كل الـلـي حواليا كانوا بـ يتريقوا عليا، ويقولوا عليا كارتة.
فضلت أعمل شعري فرد لحد ما بقى عندي 24 سنة،
يعني حوالي 14 سنة بـ فرِد شعري.

ببساطة أنا بنت، بس عمري ما بـ قعد قدام أي حد بشعري
حتى في البيت، حتى وانا نايمة، حتى وانا خارجة من الحمام
في كل وقت لابسة طرحة على شعري
عشان كمية الإساءات الـلـي بـ سمعها
ونظراتهم ليا "أنتِ شعرك خشن"

مرة واحد قريبي كان بـ يزورنا، وفتحت له الباب
قال لي:" إيه راس العبد دي؟"

وانا صغيرة كان شعري تقيل، وبـ كرهه من كتر ما بـ يوجعني
وما كنتش بـ عرف أسيبه خالص،
عكس أختي اللي شعرها كان حلو وناعم
وأنا عندي ١٥ سنة كده،
كنت في المصيف، ومسيباه وأنا طالعة من البحر
واحدة أجنبية وقـفـتـنـي، وسألـتـنـي: "أنتِ عاملة الكيرلي ده إزاي؟"

كنت محجبة وانا 11 سنة، وقلعت الحجاب
تاني يوم، روحت الشغل
حسن الـلـي في الأمن أخـدلـه ثانـيـتـيـن لحد ما عرفني
وبعدين قال لي: "صباح الخير يا أستاذة، ليه كده؟"
لكن بطيبة وعتاب فهمته واحترمته.

ظننت دومًا أنني مُتبناه أو ربما لست ابنتهم….
أنا الأولى بين أخوتي، وُلدت بشكل عادي، قمحية بشعرٍ مجعد (كيرلي)،
ولكن بنظرُه كنت سمراء، قبيحة، ذات شعر أكرت.
وازداد الأمر سوءًا عندما وُلدت أختي بعدي بثلاث سنوات،
وكانت ذات بشرة فاتحة، وشعر ناعم،

أنا شخص عشريني مُحطم نفسيًا؛ بسبب تنمر أشخاص بحبهم على شكلي….
أنا مش أسمر، ومش أبيض البشرة،
طويل بس جسمي مش رفيع أو مش متناسق بشكلٍ ما.
فيه شوية عيوب في شكلي من وجهة نظر بعض الناس الـلـي بـ تصارحنى بده بشكل مستمر،
وده للأسف انعكس على قناعتي الشخصية،