ألو، أيوه يا سارة
أنتِ فين يا بنتي؟
كل ده في الشغل؟
الناس يقولوا إيه يا بنتي؟
فيه بنت مصونة تـ فضل برا البيت لحد دلوقتي؟

كنت بتهان وبـ تضرب على أهون سبب.
كنت بتضرب وترابيزة الأكل تتقلب عـشـان شوية ملح.
ما كانـش ينفع أفتح بقى واقول رأيى.
كنت بخاف لما بعمل كوسة علـشـان لو كان فيه واحدة أصغر من التانية كان ممكن يعمل لى كارثة.

عشان الحبسة وآخر تلات سنين ما كانش حد زاره ، فـ طفح الدم جوا
كان لازم يطفح الدم ما هو مش هـ يفضل يتدلع ويتحبس واحنا نزور على طول
كان لازم حد ما يزوروش، عشان كده طلع وهو خايف
خايف من الحبسة وخايف من الضيقة

التجربة دي خسرتني شغلي
خسرتني إني أعرف أتصرف وأجيب فلوسي اللي في السوق وأديها للناس
ضيعت لي حاجات كتيرة
لما دخلت المكان ده خسرت خسارة مادية
واللي كسبته إني ما أثـقـش في حد أبدا

كنت قاعدة على البحر أنا وهم بـ نسمع أغاني،
جم 3 ولاد قعدوا قدامنا.
فـ قومنا، ومشينا على اللسان،
وهم فضلوا ماشين ورانا.
كل شوية أتدور أزعق، وهم برضه مكملين مشي ورانا.

أنا متجوزة من 10 سنين
وبـ عاني من قبل جوازي من مرض في الرحم
منعني من الإنجاب، وخلَّاني أعمل أكتر من جراحة على أمل إني أبقى أم … غير إنه كمان المرض بـ يسبب مشاكل صحية تانية
بسبب كده، بـ حس إني ست درجة تانية

أنا شعري كيرلي، وبحبه جدًا
تعبت من كلام الناس الغبي،
ونزولي الشارع من أوحش الحاجات الـلـي بـ تحصل لي
مغص فظيع كل ما آجي أنزل، مش عارفه ده social anxiety ولا إيه
أنا عندي ثقة في نفسي، وبحب شعري،
وكان نفسي الناس تتقبل الاختلاف

الشارع، الشعر

كنت ماشية قدام قهوة
وشايفاهم بـ يحاولوا يعملوا عليا حلقة
ومحدش من القهوة بـ يتحرك
أنا مش عارفة الصوت الـلـي طلع مني طلع إزاي، لكن مشيوا.

مطلقة؟ ليه هي ما تاخدش واحدة من ظروفها؟
تاخد عربية مستعملة، بدل ما تاخد عربية جديدة؟

على فكرة ما تـصدقيش، أنتِ مش جسم بـ يـتـقـاس بالسنتي والجرام
وعلى أساسه بـ تـتـقـيِّـمـي كبني آدمة
أنت جميلة، وأجمل ما أنتِ فاكرة دلوقتي، أو هـم مصدقين
أنتِ موهوبة، وذكية، وقيمتك مش رقم على الميزان، أو مقاس في اللبس.

الضغوط الاجتماعية، الوصمة الاجتماعية، الجسم