لأ بقى، أنتِ لازم تروحي الكوافير
خلاص بقى بقيتي مصرية زينا
عايزين بس شكلك يبقى يعني كده،
تبقي حلوة وأمورة
يالا علشان نلاقي لك عريس بقى

الشعر، معايير الجمال، الجسم، الضغوط الاجتماعية

شعري الكيرلي كان كأنه مرض
كل الناس أشفقوا عليا بسببه
كل الناس عرضت عليا تساعدني أظبطه
شعري اتعرض لكل حاجة ممكنة:
كيماويات، وماسكات شعر، وزيوت، وكريمات، وعلاجات روحية غريبة

آسفة إن ده أخد مني وقت طويل عشان أعرفه، وأتـقـبـلـك زي ما انت
لكن ما تـزعـلـش
لسه معانا باقي العمر نحب في بعض
أنا آسفة للأذى الـلـي كنت بـ تـسـمـعـه

امبارح في الشارع كنت مـسـيِّـبـة شعري
ما كـنـتـش حَاطَّة فيه توكة
وكان هايش شوية وكيرلي
واحد كان قاعد على موتوسيكل، جه قال لي: "شعرك معفِّن."

أنا طول عمري وزني زايد،
لدرجة إني مش قادرة أفتكر أي وقت ليا كنت رفيعة فيه.
شكلي الحمد لله حلو، وشعري جميل،
وشخصيتي وروحي حلوة الحمد لله،
بس الكلمة الـلـي طول الوقت بـ سمعها:
"لو تخسي شوية هـ تبقي قمر".

بابا كان بـ يضربني علشان أنا تخينة.
وانا 13 و14 سنة، ماما كان عندها يقين إني مش هـ تجوز
علشان أنا مليانة.

وانا صغيرة في المدرسة كانوا الأولاد والبنات بـ يـبـصوا لشعري
ويـقـعـدوا يـنـادوا، ويـضـحـكـوا: "سلكة... سلكة"
كنت معظم الوقت بـ جدّل شعري عشان ما يبـانـش الفرق عن باقي البنات، إن شعري خشن.
وبس كبرت شوية، بـقـيـت أسـشـوره دايمًا، وأعمله بكريم الفرد
وكنت بـ افكر إنه كده أنا بقيت أشـبـهـهـم، وما بـقـاش حد بـ يقول لي "سلكة"

عايزين عروسة، لازم تكون جميلة الجميلات
يعني إيه جميلة؟
يعني بيضا، وشعرها ناعم
أكـنـنـا بـ نختار جاموسة
مقاييس مش عارفة مين بالظبط حطها، وليه مشينا عليها؟

أنا دايمًا بحب الشعر الكيرلي،
بس عمري ما كنت بـ عرف أعمله مظبوط
وما كـنـتـش أعرف أصلًا إن شعري كيرلي
كنت معتبرة إن شعري هايش عشان محتاج اهتمام
وفي مرة روحت عملت بروتين، الكوافيرة غسلت شعري ونـشـفـتـه بالـسـشـوار من بعيد
وكانت أول مرة أشوف شعري بالمنظر ده

من وانا صغيرة بـ سمع تـلـقـيـحـات مش حلوة على شكلي وشعري،
ماما عمرها ما قالت لي إن شعري حلو