مرة وانا مع عائشة صاحبتي من بيروت
قالت لي: "تعالي نـتصور صورة لبنانية .. أقفي كده".
عملت زي ما هي قالت لي، وكنت حاسة لحظتها إن أنا شكلي أكيد بـ يضحك
وان ممكن يـتقال عليا شرموطة، لأني بـ احاول أبين صدري … إلخ.
لما روحت البيت، وبصيت في الصورة
ما شوفـتـش كل الـلـي كنت بـ فكر فيه وانا بـ تصور
شفت حاجة واحدة
شفت نسخة تانية مني فاردة ضهرها، ومش محنية
نسخة مني مش خجلانة من جسمها.
في أيام معينة بـ شوف النسخة دي مني
لما بالصدفة لسبب ما، ألاقي نفسي لابسة حاجة حلوة
حاجة مش بس شكلها حلو، لكن مش بـ تـخـبـيـنـي
لبس بـ يـحـسـسـنـي إني ست حلوة
مش طفلة عندها 10 سنين، خايفة تمشي لوحدها في الشارع.