أول حاجة صدمتني الأطفال في المدرسة
أول مرة يتعاملوا مع مسيحيين
فكنت أثناء الشرح تـسـتـوقـفـنـي طفلة، وتقول لي:
"أنتِ بـ تتكلمي عربي زينا؟

بصوا يا ولاد، أنا طلَّعت البنات لأن فيه أكيد أسئلة شغلاكم، كل واحد ممكن يكتب سؤال في ورقة،
ويطبقها، وانا هرد عليهم ...
في سؤال هنا: إزاي أبطَّل العادة السرية….

أنا قلت أقرب واحد هـ سأله مدرس العلوم اللي بـ يشرح لنا حاجة شوية قريبة،
وديتله الكتاب
المشكلة إن اللي أنا ما فهمتوش كان فيه مصيبة،
ودانى للناظر أو مدير المدرسة
وقال له: "الكتاب ده ما أعرفش جايبه من فين وعايز استدعاء ولي أمر"

حاولت أبدله بخالي، بعدين برضه خالي خذلني.
بعد كده بجدي، بعدين جدي اتوفى،
يعني قبل ما أولد على طول،
فـ اتكسرت برضه ساعتها.
بعد كده جمعت إنه لأ،
أنا عاوزة إيه؟ وعاوزة أكون فين؟
الوالدين؛ العائلة؛ المدرسة

فصلونا عن بعض، البنات في فصل، والولاد في فصل.
أنا قولت أحسن برضه عشان يشرحوا، ونسأل براحتنا، ونفهم.
لكن جت ميس أمنية بعد ما شرحت النص الفوقاني قالت:
"خلاص، أنتوا كده كده قريتوا الدرس لوحدوكوا في البيت".

المدرسة، الدورة الشهرية

مش هـ قول ما ضربتش يعني كان لازم أضرب
بس لما بـ تضرب لازم أشوف أنا بـ تضرب ليه
ومين الشخص اللي ضربنى
إيه قوته؟ وإيه نقطة ضعفه؟

محمد كمال منصور
كان معايا فى المدرسة وفاكره كويس أوى
كان بطل سباحة بس مش بـ يعرف يلعب كرة
كنت بغير منه جدا لأن كان عنده ثقة بنفسه

وانا فى إعدادى كنت فى مدرسة في المندرة، 
وكان قدامنا مدرسة بنات، وكنا كلنا بنطلع فى وقت واحد.
كان فيه ممر كده لازم الكل يعدوا منه فكان بـ يقف فيه صفين ولاد، صف على ناحية وصف على الناحية التانية

أنا بـ درِّس أولى ابتدائي
بـ نزلهم الحمام نظام مجموعات
في يوم جه ولد، وقال لي:
"يا ميس، فلان الفلاني وهو في التويلت
واحد من سنة سادسة أخدوا
وعمل فيه حاجات قليلة الأدب في الحمام".

ميستر خيري طلب مني أجي أقعد معاكم شوية ...
مين فيكم سأل الأستاذ خيري عن معنى الآية "وليحفظن فروجهن"؟؟
مين؟!