الموضوع ما كانش عادي ولا تلقائي،

ما بين شخطة قريبتك المتحفظة لما بـ تعمل حاجة قبيحة، 

ووشوشة العيال صحابك عن لمسهم لمناطق من جسم الشغالات أو قرايبهم البنات،

هـ تعرف إن جسم الطرف الآخر فيه حاجة عيب، أكيد فيه حاجة عيب.

الضغوط الاجتماعية، الجنسانية، الجنس، الجسم، الذكورية

أنا كبرت عارف إن الشرف ده مسئولية البنت
انا كراجل ماليش دعوة بيه
عمر ما أمى جابت سيرة الكلمة دى معايا أنا أو أخويا
عمرها مثلا ما قالت لى: "حافظ علي شرفك"

أول مرة حاولت تبوسني هربت منك،
وانت قلت لي: "يا جبانة"!
كنت خايفة، خايفة من نفسي ...
جوايا واحدة بتقول لي: "متأكدة إنك عايزة تقربي له أوي كده؟"
كل اللي قربوا لي وجعوني...
وبعدين مش يمكن ما أعرفش!
لا هو أكيد مش هـ عرف... يعني هـ عرف منين؟ ده أنا نيلة!

الجنسانية، الجنس، العلاقات العاطفية

من أسبوعين، أختي جت لي البيت
وقالت لي إني بـ ضُرها، وبـ ضُر ابنها
وإن أمنا لو حصل لها حاجة أو وقعت هـ يكون بسببي
وإن أسلوب حياتي غلط، ومش طبيعي

حسيت إن حد بـ يلعب معايا مصارعة حرة
وداخل يقتحم ويقضي على كل حاجة
وما عندوش استعداد يسمع أي حاجة
والبقاء للأقوى
كان ممكن اتصارع، واكسب الجولة، بس أنا انسحبت
علشان دي مش جولتي، وأنا مش جاية علشان آخد كاس.

الجنسانية، الجسم، العلاقات العاطفية

مفيش ولا مرة ألاقيك بـ تكلم واحدة فى التليفون بتحبوا في بعض خارجين …
هو انت إيه؟!

هي الست اتخلقت في مجتمعنا عشان المتعة بس؟
ولا لبس فارق، ولا وش خشب فارق، ولا إنك تكوني بـ تردي فارق
لو رديتي ده معناه إنك بـ تتـقلي
اكتشفت من قريب إن مفهوم المجتمع عن الست المتجوزة إنها أسهل!

ساعات كنا نبُص لبعض، ونسكت
بـ نبقى عارفين إحنا عملنا إيه، بس ما بـ نـتـكـلـمـش عن الموضوع
بـ يضحكني أوي إزاي إنه عشان ما اتكلمناش عن الـلـي حصل، عدى كده
بس اتنين تانيين، ممكن يحصل ما بينهم نفس الحاجة، ويتكلموا عنها
وتفرق فرق رهيب في صداقتهم

الجنسانية، الجسم، العلاقات العاطفية

أنا مش ست، صح؟ مش أنا كده ما بقيتش ست؟
إزاي أكون ست وأنا من غير بطانيتي كل شهر؟
حاجة صغيرة وراحت، بس راح معاها دم كتير
وراحت معاها علبة أسراري، أحط أسراري فين دلوقتي؟

مش فايتِك كتير، الموضوع بجد مش مُسلي
مفيش أي نوع من أنواع المتعة
هو هـ يقعد يعمل بوشه حاجات غريبة، وانتِ قاعدة
وهـم 3 دقايق، أنتِ لو حطيتي مخدة مكانك ولا هـ يحس