أول ما دخلت السجن كنت لسه في التحقيق
وكان فيه ظابط مباحث اسمه مفيد بيه وكان قمة في الاخلاق بأمانة
جت بنت كانت بتاع عشرين سنة كده
العيال دي لحد 18 سنة بـ يبقوا أحداث،
ولما جسمهم يشد بـ يقوموا ممشينهم على السجن
حتى لو عندها 15 سنة بس جسمها شديد يودوها السجن

ده غير إن أنا طبعا تحملي للحاجات اللي مش حقيقية
وللتمثيل وللياقة السياسية بقى قليل أوي،
لأن أنا ده فعلا كنت بـ عمله جوا طول الوقت
يعني لمدة خمستاشر شهر مش مسموح لى أبين مشاعري مية فالمية

جوا عيد الأم ده يوم منيل بستين نيلة عليا بصراحة
لأن والدتي دي حاجة كبيرة بالنسبة لي وربنا يرحمها
ومش هـ يحس بالحاجة دي إلا اللي والدته متوفية

أنا موضوعي ابتدي في 2005
كان جوزي لسه ما اترقاش وعندي 5 عيال أعمار مختلفة
حالتي المادية كانت صعبة جدا لأن جوزي كان موظف بسيط لسه

التجربة دي خسرتني شغلي
خسرتني إني أعرف أتصرف وأجيب فلوسي اللي في السوق وأديها للناس
ضيعت لي حاجات كتيرة
لما دخلت المكان ده خسرت خسارة مادية
واللي كسبته إني ما أثـقـش في حد أبدا

لما دخلت السجن كان عندي عشرين سنة
أول يوم كنت أجري على برا وأم زكريا تطلع تجري ورايا تجيبني
"إيه يا بنتي فيه إيه هو انت كل شوية تجري"
"أصل جوا بـ يعملوا قلة أدب وبـ يعوروا في الوش"

أنا بـ حس إن عيالي بـ يقلقوا مني عشان كنت محبوسة
بـ حس إنهم مش بـ يعاملوني كـأمهم لأ كـواحدة عادية بالنسبة لهم
وأخواتي بـ يقولولي: "آه ما انت دخلتي السجن"
"انت أسلوبك بقي أسلوب السجن"
مع إني ولا بـ شتم ولا بـ عمل حاجة من الحاجات دي خالص
وبـ حس ناس كتير خايفين مني

الظابط وهو بـ يحقق معايا بقي يشتم شتيمة وسخة
المهم وهو بـ يشتم الدورة نزلت
بـص كده وقال لي "إيه ده؟؟"
قلت له "نزيف …"

أنا وأختي كنا رايحين نطلب نأجل قضية وطلع إنه علينا أحكام
كنت ضامنة أخويا، كان هو جايب حاجة عشان جهاز بنته
بس أنا ما أخدتش حاجة، أنا مجرد إني بس ضمنته وهو ما سدش
وأختي كانت بـ تجيب حاجات بـ تبيعها
جات واحدة نصبت عليها خليتها جابت حاجات بـ 50 ألف
وخدت بعضيها وسابت البيت ومشيت، واحنا ما كناش نعرف عنها حاجة.

كنا أسرة خمس أنفار وأنا وجوزي، كنا عايشين في أوضتين وصالة، عيشة حلوة
ربنا يرحمه كان معيشني عيشة حلوة،
هو بنى بيت وقال لأ أنا مش هـ خد شقة صغيرة
أنا هـ خد الدور كله وابنيه