من كام يوم رحت لخالي، كنت بـ زوره
خالي ده مقتدر لما ظروفي بـ تبقى وحشة بـ روح له
لاقيت خالتي اتصلت وقالت لي: "خالك بـ يقول منال ما تـجـيـش عندي تاني"

عشان الحبسة وآخر تلات سنين ما كانش حد زاره ، فـ طفح الدم جوا
كان لازم يطفح الدم ما هو مش هـ يفضل يتدلع ويتحبس واحنا نزور على طول
كان لازم حد ما يزوروش، عشان كده طلع وهو خايف
خايف من الحبسة وخايف من الضيقة

لما كانت مصلحة السجون تمر في الحوش
كنت أقدم الورق بتاعي وكنت أروح الزيارات لأخويا
وأخلى أخويا يجي لي زيارات في السجن
كان بـ يعمل الموضوع ده الناس اللى أحكامها كبيرة

لما دخلت السجن كان عندي عشرين سنة
أول يوم كنت أجري على برا وأم زكريا تطلع تجري ورايا تجيبني
"إيه يا بنتي فيه إيه هو انت كل شوية تجري"
"أصل جوا بـ يعملوا قلة أدب وبـ يعوروا في الوش"

ده غير إن أنا طبعا تحملي للحاجات اللي مش حقيقية
وللتمثيل وللياقة السياسية بقى قليل أوي،
لأن أنا ده فعلا كنت بـ عمله جوا طول الوقت
يعني لمدة خمستاشر شهر مش مسموح لى أبين مشاعري مية فالمية

ساعة ما اتحبست كنت فاكرة إني جوا هـ ضيع
بس لاقيت إني جوا بقيت قوية شوية
بـ عمل أي حاجة عشان ما أحتاجش لحد

أنا قضيت عشر أعياد وعشر مناسبات في السجن
بـ يبقى من يوم الوقفة بالليل حزن على الجميع
يعنى بالنسبة للعنبر اللي كنت فيه كله بلا استثناء
كله بـ يبقى حزين من بالليل لغاية يوم العيد الصبح

جوا عيد الأم ده يوم منيل بستين نيلة عليا بصراحة
لأن والدتي دي حاجة كبيرة بالنسبة لي وربنا يرحمها
ومش هـ يحس بالحاجة دي إلا اللي والدته متوفية

أول ما دخلت السجن كنت لسه في التحقيق
وكان فيه ظابط مباحث اسمه مفيد بيه وكان قمة في الاخلاق بأمانة
جت بنت كانت بتاع عشرين سنة كده
العيال دي لحد 18 سنة بـ يبقوا أحداث،
ولما جسمهم يشد بـ يقوموا ممشينهم على السجن
حتى لو عندها 15 سنة بس جسمها شديد يودوها السجن

كان عنده حاجة اسمها شك، كان أما ييجي يخرج يعلق لي شعراية ويقفل عليا الباب
ولما ييجي يشوف لو أنا خرجت
كان الشك صعب أوي بالنسبة له
ربنا كرمنى وكان هـ يرزقنى بخلفة جه قالي: يا انا يا هو
رحت المهم إيه نزلت العيل