شعري طول عمره مجعد، وزمان وانا صغيرة كنت متعقدة منه جدًا
وكنت بـعتبر إن فيا حاجة غلط
لدرجة كنت بـ صلي وبـدعي شعري يـ تفرد
لما كبرت بدأت أتصالح مع شعري

أنا أمي طول عمرها نفسها في بنت بالجمال الأوروبي
ولما جيت وانا فعلًا جمال أوروبي خالص محدش كان بـ يعرف إني مصرية
بس للأسف شعري كيرلي،
إنهالت عليا التعليقات من جوا وبرا البيت

شعري كيرلي، وانا صغيرة ماما كانت بـ تكويه كل 3 4 أيام،
ده كان صعب عليا كطفلة؛ أستحمل الحرارة، والشد ،
غير إني فعلًا اقتنعت إنه وحش.

لأ بقى، أنتِ لازم تروحي الكوافير
خلاص بقى بقيتي مصرية زينا
عايزين بس شكلك يبقى يعني كده،
تبقي حلوة وأمورة
يالا علشان نلاقي لك عريس بقى

الشعر، معايير الجمال، الجسم، الضغوط الاجتماعية

مفردات للشعر الكيرلي
"شعرك منكوش"
"زي الكلب الكانيش"
"زي راس العبد"
" زي الشراميط"
" زي أطفال الشوارع"

فضلت سنين كتير جدًا بسأل ربنا ليه ممكن تدِّيني وش مقبول -زي ما الناس شايفة-
وشعر زي ده
في حين إنك كنت تقدر تدِّيني شعر جميل برضه
كنت شايفة إن مالـهـاش غير معنى واحد، إنه قاصد يعمل ده
طب ليه قاصد تعمل ده فيا؟
وفضلت طول عمري فعلًا مش عارفة أتجاوز ده

أنا طول الوقت وانا صغيرة ما كـنـتـش محبوبة؛ بسبب لون بشرتي،
كان لونها الأسمر الفاتح، بس الناس دايمًا بـ تحكم بالشكل.
طول الوقت وانا في المدرسة، كانوا بـ يبصوا عليا إني مختلفة،
لدرجة إني صدقت ده.

هو أنا ليه شعري مش حلو زيك كده؟
ليه مش ناعم زى صحابي في المدرسة؟
وليه كل ما ماما تسرح لي أفضل أعيط؟
كان نفسي أفرد شعري في الأفراح
أنا كل صحابي لما بـ يـشوفـوني بـ يـقـولوا لي "إيه الشعر الخشن الوحش ده؟"

طول سنين المدرسة كنت مضطرة أسرَّحه وأعمله ديل حصان أو ضفيرة أو أفرده
ولما ما كنتش بـ فرده، ما كانش مسموح لي أفكه في المدرسة،
رغم إن البنات اللي شعرهم مفرود كان مسموح لهم بده عادي
وده خلاني أكره شعري

أنا شعري طبيعته ناعمة، ونفسي جدًا يبقى كيرلي
بـ يعجب بابا أوي لما بـ يـبـقـى مفرود، وبـ يـتـضـايـق لما بـ لمه
ولما بـحاول أعمله كيرلي وبـ يـظـبـط حبة، ماما بـ تقول لي:
"يا منكوشة"
"طيب حاولي ما تـعـمـلـيـهـوش كده تاني"