أبويا يومها قرر يركز عليا
وابتدى محاضرته عن الرجوع للبيت متأخر
و"مش هـ ينفع كده، والناس هـ يقولوا علينا إيه؟"
و"لو حد جه يطلبك وسأل البواب"

بكره أحس إني منافقة، أو إني ألبس هدوم معينة قدام صحابي، وأرجع أغيرها قدام أهلي.

الضغوط الاجتماعية، الوالدين

قولوا لي
بـ تحسوا بإيه لما بـ تقولوا حاجات زي دي
هل عمركم بـ تكونوا قاصدين اللي بـ تقولوه فعلًا
طب ولو صوتكم أو عينيكم فضحتكوا
بـ تعرفوا تمثلوا وتخبوهم كمان
ولا بـ تنبسطوا وانتم بـ تسيطروا علينا كده؟

الزواج، العلاقات العاطفية

ماما، هـ يكون إيه إحساسك لو عرفتي أنا حاسة بإيه ناحيتك؟
أنا ما بحبكيش، ومش عايزة لما أكبر أكون شبهك.
أنتِ مش أحسن أم في الدنيا، حتى لو أنتِ متصورة كده.

الأمومة، الوالدين

من وأنا صغيرة بابا كان عايزني أكبر، وأبقى إنسانة كويسة،
متعلمة ومتفتحة، وفاكر إن كل الستات لازم يكونوا زي أمه،
أيًا كانت الطريقة الـلـي اتربوا بيها. لكن لسوء الحظ،
لما كبرت ما بـقـيـتـش شبه جدتي، بقيت نفسي؛
إنسانة جديدة بابا ما كانش مستعد يقبلها.

الوالدين، الضغوط الاجتماعية

التقاليد في عيلتي بـ تقول إن البنات ممنوع يصاحبوا،
أو حتى يتعاملوا مع زمايلهم الولاد، إلا لو في ظروف ضرورية جدًا.
مش المفروض يتصلوا بيا عالبيت، أو نخرج مع بعض حتى في مجموعات.

الزواج، الوالدين، العلاقات العاطفية، الضغوط الاجتماعية

يوم قالت لي: أنا عملت العملية خلاص
قلت لها: عملية إيه؟
قالت: كُنت حامل، ونزلت العيل.. إحنا عندنا بنتين صغيرين، وعيل كمان هـ يبقى كتير أوي 
قلت لها: انت مجنونة؟ حرام عليكي!

الإجهاض، الأمومة