الأول كنت بـ حس إنه صاحبي، وأخويا، وجوزي، وابني
دلوقتي بقى محسـسني إني راجل معاه فى البيت
فين وفين لما يفتكر إن معاه ست فى البيت
لدرجة إني كنت فاكراه بــ يـخـوني.

كان بـ يعمل معايا انترفيو وفي النص سألني:
"أنت عايزة تشتغلى ليه؟"
"بـحب الشغل"
"بـ تتمايصى يعنى!"
ما عرفـتـش أرد …

حد جَريبي شغال في المعمار، في البُنا وكده
كِبرت في دماغه يشغلني مع نسيبه
واحد طول عمره جاعد في البيت
أول مرة ينزل شغل، تنزله في شهر تمانية؟
ومعروف فى أسوان إيه هو شهر تمانية، وشمس شهر تمانية.

أنا أم مطلقة أعول طفلين بمفردي
أحدهما 8 سنوات والآخر 4 سنوات.
ثلاثة أعوام مروا علي منذ طلاقي وأنا أرعاهما وحدي
وأمنع نفسي من الانهيار التام من أجلهما.

أول يوم شغل كان حلو، كان عند المعلمة عندنا في المسجد
وقالت لي: "اعملي الـلـي تقدري عليه"
وكانت كل شوية تيجى تقول لي: "أعمل لك شاي؟
تاكلي؟ قدامك التلاجة، الـلـي أنتِ عايزاه خديه
اعتبري البيت بيتك"

كنت رايحة على أساس إنها شقة صغيرة، طلعت كبيرة أوي
عايزاني وهي نايمة هي وابنها نونو كده، وجوزها،
أدخل أعمل لهم فطار، وآخد الواد أغير له
كرهتني فى الشغل، أنا جاية أروَّق وانضف بس.

اتعرضت للتنمر من مديري المباشر
عشان أنا من قرية صغيرة في البحيرة
وهو عايش في القاهرة.

زمايلي بـ يتريقوا عليا لما يعرفوا إني من القرية دي
أنا دلوقتي بـ كره قريتي، وعيلتي، ونفسي، وشغلي.

كنت لسه جديدة في الشغل، وطبيعة شغلي إني بـ كلم عملاء كتير.
أول ما ابتديت، كنت بـ كلم العملاء بطريقة بروفيشنال جدًا، وحضرتك، ومستر،
لاقيتهم بـ يردوا عليا بـ "حاضر يا جميلة"، و"أيوا يا حبيبتي".

العمل، الوصمة الاجتماعية، التحرش، العنف المبني على النوع

قدمت مرة في شغل في شركة، وقبلوني
وادوني مميزات محدش ادهاني
وبعدين في يوم،
صاحب الشركة بدأ يتكلم معايا في حاجات شخصية
زي إنه مطلق، وعايز حنية.

أبلغ من العمر 41 عام
يبدو رقمًا مرعبًا
ولكن ما هو مرعب أكثر، أن لا أصل إلى أي نجاح يذكر
وذلك لأنني دومًا أكافح في الحياة للحصول على أساسيات الحياة
وهذا أمر قد يبدو بسيطًا، لكنه من أصعب الأمور لفتاة لا تملك شيئًا في هذه الحياة.