في السنترال
2017
كنت شغالة فى سنترال بيشتغل يوم الجمعة
وكنت بنزل يوم الجمعة ده لوحدى، وطبعا يوم الجمعة بـ يبجى كل المحلات اللى حواليا مجفولة
والمحل بتاعى داخل فى ممر مسدود
أوضة رقم 13
2017
كنا في مؤتمر، وبعدين واحنا في الفندق
راجعين على أوضنا، واحد من الزملاء قال لي:
"أنا أوضتي رقم 13".
اتزقيت من رقبتي
2017طلع الموظف المسؤول عن الصرف من جوا الأوضة
وعايز يعدي من وسط الستات
وهو مش عايز يلمس أي واحدة فيهم يعني
فـ بيزق كده، عشان خاطر يوسع لطريق
فللأسف يعني، أنا الـلـي كنت في وشه
بـشتغل من البيت
2019خلصت الجامعة، واتخطبت، واتجوزت،
سكنت بعيد جدًا،
ما كانش ينفع أروح نفس الشغل الـلـي أنا كنت فيه،
وبصراحة ما كُـنـتـش مهتمة أوي إن أنا أدور على شغل تاني.
بقيت حامل في توأم، ولدت، وخلفت، وقاعدة،
كان عندي اكتئاب، قعدت سنة وشهرين اكتئاب،
الـلـي هو اكتئاب ما بعد الولادة ده.
اتسجنت وجوزي اتجوز عليا
2018
كنت بـ اشتغل على البوابة عند المأمور
كنت آخد على 10 شِيَل خرطوشتين سجاير
بـ يجيني من الناس الـلـي بـ تزور حاجات -كانز وكده-
لحد ما اتحاكمت
دا مش أنا
2019
كنت بـ تحرك كل يوم من بيتي للشغل مواصلات وانا حامل
تعبت جدًا في أول تلات شهور من الحمل
تخيلوا كل حاجة الحوامل بـ يمروا بيها في أول تلات شهور
وزيدوا عليها كمان ضغط إني أحاول أعدي ده
لا محصلة أم ولا محصلة شغلي
2019
أنا أم عاملة، وطالبة في نفس الوقت
شغلي حر، مش مرتبط بوقت
وده بـ يسبب لي مشاكل مع الناس المحيطة بيا وكمان مع ابني
مع أم نهى
2017
كنت رايحة على أساس إنها شقة صغيرة، طلعت كبيرة أوي
عايزاني وهي نايمة هي وابنها نونو كده، وجوزها،
أدخل أعمل لهم فطار، وآخد الواد أغير له
كرهتني فى الشغل، أنا جاية أروَّق وانضف بس.
شهر تمانية
2017حد جَريبي شغال في المعمار، في البُنا وكده
كِبرت في دماغه يشغلني مع نسيبه
واحد طول عمره جاعد في البيت
أول مرة ينزل شغل، تنزله في شهر تمانية؟
ومعروف فى أسوان إيه هو شهر تمانية، وشمس شهر تمانية.
أنا من البحيرة
2018
اتعرضت للتنمر من مديري المباشر
عشان أنا من قرية صغيرة في البحيرة
وهو عايش في القاهرة.
زمايلي بـ يتريقوا عليا لما يعرفوا إني من القرية دي
أنا دلوقتي بـ كره قريتي، وعيلتي، ونفسي، وشغلي.