أنا مخنوقة جدا ونفسي أتكلم مع حد بالرغم من إن عندى صحاب كتير جدا،
ولكن بشعر دايما بالوحدة وإن محدش هـ يفهمني،
فكرت كتير أروح لدكتور نفساني بس بكون خايفة،
فبدأت أتكلم مع نفسى وأرد عليها، وكأنى شخص تانى لحد ما اتخنقت.
المشكلة إن نفسي أتعلم التمثيل والمزيكا، لكن أهلي رافضين ده تماما،
شايفين بده هـ خلي شكلهم وحش قدام الناس.
وشايفين إني بـ فكر بطريقة تافهة، وبـ يقولوا إنهم مش بـ يثـقـوا فيا
أنا تعبانة جدا وبقيت خايفة أفكر أو اتكلم، أو حتي أعارض
بحس إن أنا لعنة وماليش الحق إني آخد قرار،
بالرغم من إن احنا كأبناء بـ نكون هدية من ربنا ليهم بس هـم بـ يضيعوها بسيطرة وفرض رأيهم.
أنا شخصيتى تقريبا انعدمت، نفسى أكون انا.
الحاجة الوحيدة اللى بـ تريحنى لما أسمع مزيكا