عزيزي لون جسمي الأسمر،
إزيك؟
عامل إيه؟
يا ترى بعد السنين الطويلة دي، وانت بـ تـتـلقى سخرية وتريقة، إيه إحساسك؟
فاكر أما أبويا قالك لك: "يا أسود"
- كان بـ يقول لي: "يا سودا، زي أمك" -
لحد ما بـقـيـت مقتنعة إني بشعة، وإني وحشة
ومـحـدش هـ يـحـبـنـي عشان سودا.
فاكر أما الراجل العرص إياه كان بـ يحط إيده على بشرتي كأني صماد حلة
ويقول: "إيه السواد ده؟"
طبعًا فاكر.
بس أنا وانت صمدنا سوا
وما أعتقدش إنك دلوقتي حزين، لأنك عارف إنك جميل
وأنا مؤمنة بجمالك
ده أخد مني وقت عشان أنا كمان أثق فيك وأحبك.
أنا آسفة لده، وآسفة على كل الـلـي حصل زمان من الناس الوسخة دي
بس أنا دلوقتي بحبك جدًا
ومش متخيلة أبدًا إني لو ما كـنـتـش سمرا، كنت هـ كون بلون إيه؟
آسفة إن ده أخد مني وقت طويل عشان أعرفه، وأتـقـبـلـك زي ما انت
لكن ما تـزعـلـش
لسه معانا باقي العمر نحب في بعض.
أنا آسفة للأذى الـلـي كنت بـ تـسـمـعـه
والعنصرية الـلـي اتعرضت ليها.
أنا بحبك، وهـ كون موجودة دايمًا عشان أدعمك، واحبك، واحميك.