كنا في شارع النميس
وكان فيه بنت جاية من ناحية البحر لابسة جيبه
الجو كان هوا، فجه شوية هوا طيرت الجيبة شوية
فرجلها كلها بانت لكل الشارع.
كمية التعليقات
بما فيهم تعليقات من صحابي الـلـي كنت ماشي معاهم
والألفاظ، والشتايم الـلـي اتقالت، كتيرة جدًا.
طبعا البنت اليوم بالنسبة لها اتقفل
ومسافة ما رَوحت
مفيش حد ما كانش فاضله شوية ويلمسها.
الناس بـ تتعامل معايا على إني غريب
علشان لو شفت بنت حتى لو لابسة ضيق،
وعيني وقعت عليها كرد فعل أول
بـ حاول بعد كده ما أبصش.