أنا كل يوم أمشي في الشارع يتقالي جملة من دول:
"سودا"، "شيكابالا"،
"إيه الليل الـلـي هجم علينا ده؟"، "إيه القرف ده؟".
لما بـ مشي مع حد من صحابي بـ يتقالي:
"ابعدي عنها، هـ تعديكي"، "يا رب قلبك ما يطلعش زي وشك"،
"شاي بلبن". كل يوم، وكل لحظة.
لما كنت طفلة في المدرسة، اتعقدت، وتعبت جدًا؛
بسبب ناس برضه قالت إني سودا، ومن السودان، وكلام كتير.
حرفيًا كل يوم بـ تعرض لكل ده،
بالرغم من حبي الشديد لشكلي ولون بشرتي،
إلا إن فعلًا التعليقات السخيفة قاسية جدًا،
والكلام من الناس القريبة -حتى لو بهزار- مُقرف.