فضلت طول عمري أكره شعري الكيرلي
كل ما كنت بـ تفرج على صوري وانا صغيرة
كنت بـ لاقي هالة حوالين دماغي كأن حد لسه مكهربني
دايمًا كان معمول كحكة أو ضفيرة مشدودة جدًا لحد ما اتنحل من قدام
كان نفسي طول الوقت أكون جميلة،
وده طبعًا، بمعايير مجتمعنا، بـ ينطبق بس على الشعر المفرود
فضلت أعمل شعري كرياتين لحد ما كملت 17 سنة،
ساعتها أدركت إن شعري مش وحش أوي كده،
وإن التمويجات بتاعته شكلها جميل
بس ساعتها للأسف شعري كان تالف لدرجة إنه ما كانش مموج حتى،
كان شكله وشكلي مرهقين جدًا
قصيته كله
كان واصل لدقني بالعافية
وطبعًا كانوا بـ يتريقوا عليا عشان بقيت "شبه الولاد"،
بس ده ما كانش بـ يضايقني خالص، ولا حتى حبة صغيرين
كنت في مرحلة بـ حاول فيها أتقبل نفسي زي ما هي،
وساعتها بس بقيت واثقة ومرتاحة لشكلي
مش فاكرة إني حسيت بالثقة دي قبل كده
اتعلمت إزاي أعتني بشعري، ودلوقتي كل الناس بـ تنبهر بيه
بس الأهم إني مبسوطة لكوني ضمن فريق الكيرلي جدًا
نسيت أقول أني من ساعة ما قصيت شعري الناس بـ تناديني بمارسيلو،
ما يتهيأليش إني انبسطت باسم دلع أكتر من ده قبل كده