لون بشرتي

من وانا صغيرة وصحابي كلهم بـ يتريقوا عليا عشان لون جسمي،
عشان أنا سمرا شوية.
والموضوع فضل لحد ما دخلت الجامعة….

لدرجة إن لما كان فيه ناس في الجامعة بـ يقولوا لي:
"إحنا بنحب لون بشرتك أوي، أنتِ بـ تعملي تان بإيه؟"
واقولهم إن ده مش تان، ده لون بشرتي كده،
كنت بـ بقى فاكرة إنهم بـ يتريقوا، وإن أنا بقى فيا عيب.

حتى ما كُـنـتـش بحب أتصور ولا آخد بالي من شكلي ولا أي حاجة؛
عشان بس ما أعملش حاجة تبيِّن لون بشرتي أكتر.
بس دلوقتي كبرت، وبقيت بحب نفسي أكتر،
وبحب لون بشرتي، وبقيت بعمل كل حاجة أبين بيها لون بشرتي،
بس بـ فرح أكتر لما حد ييجي يقولي إنه بيحب لون بشرتي، وإنه لايق عليا.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر