أتولدت وانا عندي وحمة في منطقة معينة في جسمي،
أغمق من لوني، وحجمها كبير، بـ تخليني أتجنب أبص على نفسي في المرايا،
وما بـ قدرش ألبس الفساتين الـلـي نِفسي فيها.
حاولت أروح لدكتور أعمل ليزر،
قالي: "دي خلقة ربنا، حتى لو عالجتيها هـ يفضل ليها آثار".
بقيت أخاف أدخل في أي علاقة علشان خايفة إن حد يسيبني علشان حاجة زي دي،
فدايمًا بـ نهي أي علاقة قبل ما أوصل لنقطة إنهم يكتشفوا إن فيه عيب في جسمي.
الناس الـلـي بـ يقولوا حبِّي نفسك زي ما أنتِ،
لاقيتهم هم كمان مش مقتنعين بالـلـي بـ يقولوه، وبـ يعملوا عمليات تجميل.
مش عارفة أحب جسمي، واتمنى في يوم يكون عندي ثقة في نفسي.