فيها إيه لما أكون طفلة وزني زايد حبتين تلاتة؟
ليه دايمًا من وانا عندي ست ولا سبع سنين، أسمع كلمة:
"أنتِ تخينة، بطلي أكل"،
لدرجة إن أروح لدكتور عشان أنزِّل وزني قبل ما أكمل العشر سنين.
والنتيجة أعمل مية دايت، مرة أنزل، وعشرة لأ.
من التوتر والضغط بـ عنِد،
ونتيجة إني كنت بـ تخن واخس في مدة قليلة كذا مرة ورا بعض،
جسمي باظ، وطلع لي خطوط بيضا، وثقتي بنفسي صفر،
كل ده وانا ما كملتش 15 سنة،
مع أن المفروض بدل ما أمي تقولي خسي، تقولي إلعبي رياضة مثلًا.
بـ يحققوا أحلامهم الـلـي ما عرفوش يحققوها فينا.