كنت دايمًا بـ عمل شعرى
وأول ما بطَّلت أعمله، نزلت مرة مع ناس
كنت تريقة القعدة
ولأنى بـ اعترض، كانوا بـ يـتـريـقـوا من تحت لتحت
ويـبـصـوا لبعض، ويـضـحـكوا.
لما روَّحت، لاقـيـتـهـم حاطين أغنية لبوب مارلي على الجروب بتاعنا
وبـ يـتـريـقـوا عليا
أنا ما عـنـديـش مشكلة مع بوب مارلي، بس هم الـلـي كان عندهم مشكلة معانا إحنا الاتنين عـشـان شعرنا.
مرة تانية واحد شافني صدفة، قال لي: "مال شكلهم مبهدل كده ليه؟"
غير الشارع طبعًا الـلـي دايمًا بـ سمع فيه كلام غريب على شعرى
بس مش بـ اهتم أوى، لأن بـ يـبـقـى في تعليقات كتير وسخة على جسمي فى وسط الكلام
فلو شعري هـ يـلـهـيـهـم عن تخيلاتهم عن سيناريوهات اغتصابي، فقشطة يعني.