في موقف العربيات اللى بـ نركب منه
سواق الميكروباص اللي كان عليه الدور ما كانش عنده مكان قدام، فقررنا ندور علي مكيروباص تاني.
السواقيين ابتدوا يرمونا لبعض، وبعدين كان فيه سواق طلع قليل الأدب زيادة عن اللزوم
قالنا: "مش هـ خلي حد يركبكم!"
واحدة من المدرسات اللي معايا قالوا له أصل دى قله أدب
وأذا بالسواق بوابل من:
"أنا ممكن أقلعك هدومك علشان أثبت لك إني راجل"
و"أنتوا لو ليكوا دكر ما تمشوش كده!"
أنا صممت أخد رقم العربية وتاني يوم علملت له محضر،
وكتبت كل اللي اتقال في المحضر.
وجالي المدرسة بعد أسبوع، وأمه راحت الإدارة علشان تعتذر.
وبصراحة لما جالي بعد ما راح القسم وقالي اللي حصله هناك كنت مبسوطة، وفخورة بنفسي.
هم متخيلين إننا حيطه واطية بس لأ احنا مش كده.