أنا اتولدت بشعر غزير، وطويل لحد كتافي، وناعم فشخ، وليس
وكل الناس كانت مستغربة إزاي ده شعر طفلة لسه طالعة من بطن مامتها دلوقتي.
قعدت بيه 3 سنين، وفجأة اتحول عشان جدتي قـصـتـهـولي
عشان عندها اعتقاد إن الشعر الـلـي بـ يتولد بيه الطفل من بطن أمه نجاسة
وكان لازم يـتـحـلـق أول ما اتولد.
بعدها بدأت المعاناة
شعري طلع ناشف جدًا وكيرلي
وماما مـا كـانـتـش عارفة تتعامل معاه، وجربت كل الكريمات والزيوت
طفولتي كلها كانت محصورة في الضفاير
شعور إن شعري مفكوك والهوا داخله ده ما حـسـيـتـهـوش.
خالاتي كانوا بـ يـعـيـِّبـوا عليا، ويقولوا شعرك شبه عماتك
وعماتي كانوا بـ يـبـصوا لي بحسرة، كأني عندي عاهة مش عارفين يـتعاملوا معاها.
كنت في الأزهر، وكانوا بـ يـلـبـسـونا طرحة إجباري من 4 ابتدائي، وما كـنـتـش بحبها
وفي آخر حصتين، كنت بـ قلعها أنا وكل البنات
كانت الأخصائية تسيب كل البنات وتـجـيـلـي تقول لي:
"أمَّال لو شعرك كان حلو كنتِ عملتي إيه؟
غطيه يلا"
أول ما وصلت أولى إعدادي، قلت لماما إني عايزة أتحجب
وهي رحبت عشان ترتاح من موال تسريح شعري
والحقيقة أنا لبسته عشان عايزة أرتاح أنا كمان.
دلوقتي أنا في 4 كلية، ولما بـ شوف أي حد بـ يـضـايـق طفل بشعره بـ هزقه
وبـ وعِّي الطفل كويس إنه يتعلم يرد، ويحب نفسه
وإنه حلو دايمًا بكل حالاته.