شعري أفريقي وأهلي لسه مش متقبلين إني أسيبه على طبيعته
بعد سنين من استخدام الكيماويات والفرد.
المجتمع مش متقبل شكلي، وبـ سمع كومنتات من نوع:
"طب سـيـبـيـه زي ما هو من ورا
بس افردي القصة عشان شكل شعرك من قدام هايش"
مـحـدش قادر يفهم إن جزء من تصالحي مع شكلي هو إني أسيب شعري زي ما هو
مـحـدش برضه قادر يفهم إن سنين الفرد والكوي والشد حـسـسـتـنـي إني لازم أبقى حد تاني
غير شكلي الـلـي اتخلقت بيه
عشان الناس ترضى عني.
نفسي أهلي يعرفوا قد إيه نفسي أسيب شعري على طبيعته طول الوقت، واتباهى بيه كمان
ولا عايزة أصبغ، ولا أفرد، ولا أشد
فروة رأسي اتدمرت عشان مجتمع بـ يحب الشعر المفرود
بس مش بس فروة الرأس، كمان ثقتي في نفسي، ونظرتي وتقبلي لجسمي وشكلي
هما كمان اتدمروا.
أتمنى المجتمع يلاقي طريقة يتقبل بيها شعري المصري الأصيل الجميل
الـلـي زي شعر الفراعنة على الجداريات.