أما بروح مع عيال أختى المدرسة أو أكون واقف أو معدي جنب المدرسة بتاعتي،
بـ فتكر حاجات غريبة كنت بعملها
مش هـ قول ما ضربتش يعني كان لازم أضرب
بس لما بـ تضرب كان لازم أشوف أنا بـ تضرب ليه
ومين الشخص اللي ضربنى
إيه قوته؟ وإيه نقطة ضعفه؟
كنت بلاقي في ناس أكبر مني ومنه
بشوف إيه الحاجة اللي بـ تشدهم، وبيحبوا إيه
كان بيحبوا السجاير، سندوتشات، خاصة الجبنة الرومي والبيض بالبسطرمة
حاجات ما يقدروش يجيبوها من البيت وانا بوفرها
كنت ما بـ وسخش إيديا بالضرب بس بسلط حد يضربه ضرب مبرح،
شغل بلطجة يعني
كانوا بـ يجوا يجولولى "لغاية ما تقول انت كفاية"
طبعا أنا ما بـ جولش كفاية، بـسيـبـوا وبمشي وما أعرفش بـ يحصله إيه
فضلت كده فترة لغاية ثانوية عامة
في الجامعة جلت طب يعني إيه ذنب الشخص اللي أنا بحرضه إنه يضرب
طب منا آذيه بإيديا
جربت اضرب واحد بإيديا،
واكتشفت من كتر ما أنا كنت متغاظ منه
بعد الضرب ما بـ يبقاش فيه ملامح وش
طبعا عشان المدرسين عارفين إن أنا طيب وكويس،
حاجة زي كده يمكن كانت بـ تشفع لي شوية
من تحمل مسؤلية ضرب اللي بـ يأذيني
اللى اتعلمتوا فى البيت حاجة وفى الشارع حاجة،
واللى كنت بـ عمله فى المدرسة حاجة،
وبـ حاول ما أعملوش تانى،
أسهل ما عليا أجيب واحد بـ 2 جنيه يضرب واحد أو يمشى ورايا