أنا أمي طول عمرها نفسها في بنت بالجمال الأوروبي
ولما جيت وانا فعلًا جمال أوروبي خالص محدش كان بـ يعرف إني مصرية
بس للأسف شعري كيرلي،
إنهالت عليا التعليقات من جوا وبرا البيت
"يا حرام كل الجمال ده وشعرها وحش"
أنتوا متخيلين طفلة 6 سنين بـ تعمل شعرها عند الكوافير تقريبًا أسبوعيًا
وفرد للشعر وغيره من الأساليب الـلـي تخلي شعري مناسب للمعايير الـلـي عايزينها.
لما جيت أتجوز، كان تعليق حماتي الوحيد إن شعري وحش
قالت لابنها بالنص كده: "هي قمر في كل حاجة، وشعرها أصفر، إلا إنه مش ناعم ومموج"
أنا أصلًا موضوع الشعر ده كان معقدني جدًا
كنت كل الـلـي بـ عمله إني على طول رافعة شعري كحكة زي ما بـ يقولوا
ومش بـ هتم بيه نهائي.
لما اتجوزت، جوزي قالي: "شعرك حلو أوي ولايق على وشك جدًا
فين ده الـلـي وحش بجد؟ شعرك كده أحلى من المفرود"
وهو شافه على طبيعته لأني طبعًا صممت إني أسـيـبـه على طبيعته في جوازي، عِند فيهم مش أكتر.
ومن ساعتها وانا بـ هتم بيه جدًا وهو على طبيعته
أفتكر ما حـاولـتـش أفرده ولو مرة واحدة من سنة ونص
غير إن الكل فعلًا انبهر بشعري لما اهتميت بيه
صح بس لسه برضه بـ سمع "يااااااه لو كان مفرود"