لما بـ نزل في رمضان
بـ لاقي شاب يـيجي جنبي، ويقول
"أعوذ بالله من الخبث والخبائث"
أو واحد في الميكروباص، بـ يبص عليا بقرف
ويقعد يستغفر.
بـ حس إني شيطان، نازل يكفر الناس
مع إني بـ شوف رجالة بـ تتحرش في نهار رمضان.
والـلـي يقول لِك: "نازلين ليه؟ كفايه عليكوا طول السنة"
ولو اتعرضتي لأي أذى منهم، يطلع ناس يقولوا لك:
"معلش أصل الرجالة ما بـ تستحملش الصيام"
مع إني نازلة لابسة طرحة، ولبس طويل
ومستحملة الحر،
وبـ نزل أصلًا أجيب طلبات،
أو أخلَّص مصلحة، مش علشان أتفسح.