"شعرك ناعم ولا خشن؟"
على طول بـ سمع السؤال ده من كل الناس الـلـي حواليا
وعمري ما لاقـيـت الشجاعة الكافية الـلـي تخليني أرد عليهم
وأقول لهم: "آه، أنا شعري مش مفرود"
برغم إن أهلي كانوا بـ يحاولوا يقنعوني إن شعري حلو وانا طفلة
بس الأطفال في المدارس بصراحة كانوا بارعين في التنمر.
لبست الحجاب وانا في 5 ابتدائي - عشان بس محدش يتريق على شعري -
برغم إني مش بـحب الحجاب
وكنت بـ عمل شعري فرد ومواد كيماوية كتير.
ولما كبرت ودخلت كلية، بقيت أكويه كتير عشان يـبـقـى ناعم
لدرجة إنه خلاص تقريبًا بقى محروق
بـقـيـت بـ حاول أدعم نفسي بكلمة "أنا شعري كيرلي، وانتوا اللي دماغكوا مش متطورة"
بس الحقيقة إني حتى مش بـ عرف أعمله كيرلي، بـ يـبـقـى كيرلي أول ما أطلع من الشاور
وبعد ساعة بـ يـبـقـى منكوش، والحقيقة إني مش بـ هتم بيه.
مش هـ كدب عليكوا، أنا بـ هتم لحد دلوقتي حتي وانا عندي 23 سنة بكلام الناس عن شعري
نفسي أقلع الحجاب، وابقي حرة، بس مش قادرة لأني خايفة من كلامهم.