اتولدت بنت مُشعرة، ورجلي كبيرة، وشكلها وحش.
طول عمري بـ سمع كلام من أهلي، إن يا عيني أنا مُشعرة،
كأن عندي مرض مثلاً، فاللي هو يا عيني عليها، هـ نعملها إيه؟
ده غير التريقة على مقاس رجلي،
وإني مش هـ لاقي مقاسي في أي حتة، قدام القريب والغريب،
لدرجة إني لفترة طويلة وانا طفلة، كنت فاكرة إني ولد،
والدكاترة غلطوا لما اتولدت، وأكيد في يوم هـ تحول.
لما كبرت، بقيت عنيفة في ردودي لأي حد بـ يكلمني على شكل جسمي،
بس ده ما خلاهـومش يتراجعوا عن كلامهم الجارح في كل مناسبة.
بقيت بـ تكسف جدًا من جسمي الـلـي ماليش دخل فيه.
ولما اتجوزت، كان دايمًا لبسي مقفول، ولابسة شراب في فترة نمو الشعر،
لحد ما اتعودت مع جوزي إني أتصالح مع جسمي، وشكلي، وما اتكسفش من طبيعتي.