أم حسن
الحاجة الـلـي بـ تمناها يعني، إن ربنا يقف جنبنا
إذا كان في تعليم، أو فى بيت
الحاجة الوحيدة الـلـي كل يوم -سبحان الله- أدعي، ربنا يتقبلها مني
علي عايز يسافر عشان يجوز أخواته البنات،
عايزين الستر،
بـ فرح إني كل يوم بـ قوم أدور على حاجة للعيال
والحمد لله هم كويسين.
أئكلهم إيه؟ أجيب لهم إيه؟
سعدا؟ حزنا؟ ولا كده، حتى بـ سألهم وكده
ساعات يحكوا، وساعات ما يحكوش
واتمنى يعني يكملوا تعليمهم، وياخدوا شهادات.
والحمدلله يعني
بـ دعي ربنا إنه يعيشني في الدنيا لحد أما أجوزهم
ويبقوا كويسين، وسعدا في حياتهم الزوجية.
----
سعاد
الحاجة الـلـي مخلياني أكمل بقى
والحاجة الـلـي مخلياني عندي أمل في ربنا
هم بناتي
نفسي أكمل معاهم للآخر.
يعني أنا جوزت واحدة بعد موت أبوها
الحمد لله، جوزتهم، بس لسه بالي طويل في التعليم
على قد ما ربنا يديني قوة وعزم.
آني قاعدة أديهم دفعة
ما أحبهومش يعني يبقوا متأثرين، أو زعلانين
يعني أبقى زعلانة جوايا، وشايلة هم الدنيا على كتافى
وحاسة إني تعبانة نفسيًا، ماديًا، ومعنويًا، وكل حاجة
بس ما بـرضاش أوصل لهم
ما بـرضاش أوصل لهم
بـ حسسهم إني معايا فلوس كتير، وإني أحسن واحدة في الدنيا
ما بـرضاش أوصل لهم إني ضعيفة.
ساعات بـ قعد أعيط مع نفسي بالليل
بس ما بـحبش إن أولادي يشوفوني
عشان عايزاهم قويين، عايزاهم يبقوا قويين، مش مهزوزين
مع إن آني مهزوزة، وبـ خاف من أقل حاجة
وفاقد الشيء لا يعطيه، لكن بـ حاول، بـ حاول.
وعايزة إن ربنا كده إن شاء الله، بإذن الله
يقويني، ويعينني إني أكمل معاهم التعليم بتاعهم إن شاء الله
وإن بعد كده، كل واحدة تبقى في بيت جوزها
وربنا يعوض علينا كده، واشكر ربنا والحمد لله.
--
نوال
ابني هو ملوش إلا ربنا، ملوش حد
نفسي أجوزه قبل ما أموت
هو اتعلم أحسن تعليم، أنا الـلـي علمته
ما احتجتش لحد، محدش وقف معايا إلا ربنا
الحمد لله، الحمد لله.
عشان خاطره هو، حتى أبقى تعبانة وكده، ما أقولوش أي حاجة
يقول لي: "مالك"، أقول له: "لا مفيش حاجة"
بس نفسي أجوزه عشان ما يحتاجش لحد
نفس في حياتي يتجوز، عشان ملوش حد.