مش بـحب أهلي، كنت عايز أهل تانيين
أبويا بـ يستفزني، بـ كرهه
كل حاجة خناق، وزعيق، وقرف
بـ كره لما يعلق عليا، كلامه بـ يفرق معايا جدًا.
بـ حس إن أنا متكتف حواليه، بـ خاف منه لما يزعق لي،
كتير أوي بـ فكر إني أوضب شنطة هدومي، واسافر
ومحدش يعرف أنا رايح فين
هـ روح مكان جديد كده، محدش يعرفني خالص،
وهـ يبقى عندي أصحاب كتير.
حاسس إن أنا المفروض أكون ذكي علشان أخلي الناس تحبني،
أهلي مش بـ يحبوني.
كتير جدًا بـ بقى متضايق بجد، ونفسي حد فيهم يسألني مالك؟
بس أول ما بـ خش من باب البيت، بـ حس إن أنا مش موجود
هم شايفيني، وبـ يتكلموا معايا،
ويقولوا لي: "لازم تاكل، ولازم تعمل حاجات"
بس أنا حاسس إن أنا لوحدي.