قعدت سنين طويلة أعمل شعري، وأحط ميك أب، لدرجة إني نسيت شكل شعري الطبيعي
كان بالنسبة لي يوم الأجازة إني أغسل شعري، وأسيبه بطبيعته
كنت بـ حس براحة مش طبيعية.
اسـتـنـيـت الصيف علشان أقدر أكون براحتي، والكيرلي موضة، واتحجج بالصيف
وفعلًا حصل وكنت قمة في السعادة.
دلوقتي الجو اتحسن، وما قدرتش أقاوم
عملت شعري مرة، اتضايقت، حسيت كأني لابسة حاجة مش مقاسي وخانقاني
وقررت ما أعملوش تاني.
دلوقتي ما بقيـتـش أضعف واتضايق، واخترت إني أخلي شعري يـتـنـفـس، وإني أكون بحريتي
ما بـقـيـتـش أتهز بتعليقات، ولا يفرق معايا هـم شايفني إزاي
اخترت الحرية.
بالمناسبة ده مش أول صراع أواجهه إني أبقى حرة
أنا كمان قررت ما حطش مـيـك اب أصلًا
وما كـنـتـش قادرة أستوعب إنهم مش فاهمين قد إيه بشرتي بـ تـتـأذى
وإن ده سبب منطقي إني أضحي بطبقة الأسمنت الـلـي هي المـيـك اب.