أنا بـ كرهك.
بـ كره كل حاجة فيك …
لونك وحجمك وتفاصيلك.
صدقني أنا حاولت أتقبلك مليون مرة بس ما عرفتش…
مش عارفة أضحك على نفسي كتير.
يا شعري: أنا كنت بـ كرهك زمان ولما حاولت أحبك دلوقتي ما عرفتش… انت خفيف وشكلك وحش
يا عيني: انتي فاضية
يا شفايفي: هو دوّر وشه عنك ورفض يبوسك
يا صدري: انت اكتر حاجة بـ كرهها، انت كبير وأنا مش بـحبك… آه لما حد بـ يعلق عليك بقول أصلي مربياه على الغالي وبـ خد الموضوع بهزار، بس أنا بـ كره كل نظرة حد بيرميها عليك.
بـ كره هزتك وأنا ماشية وترهلك في البيت.
وبـ كره إنك جايب لي الكلام من كل الناس وأنا مش حابة كده وكان نفسي تبقى صغير.
يا بطني: انت وحشة وبـ تضيعي مني فرص كتير في كل حاجة وبـ تخليني أكره شكلي وحياتي في المراية
يا ســُــِّرتي: انت كبيرة وبـ تضايقيني
يا رجلي: لو ما كنتيش بـ يطلع لك عضلات زي الرجالة ما كنتش بطلت رياضة
يا شعر جسمي: انت باين أوي وبـ تتعبني
يا جسمي: انا بـ كرهك وعايزة أغيرك