جوا عيد الأم ده يوم منيل بستين نيلة عليا بصراحة
لأن والدتي دى حاجة كبيرة بالنسبة لي وربنا يرحمها
ومش هـ يحس بالحاجة دي إلا اللي والدته متوفية
أنا أخويا مات وأنا في السجن برضه
كنت فاكرة إنها والدتي طلع ساعتها إنه أخويا اللي مات
قبلها بأسبوع كنت حاسة بحاجة غريبة
لما جالي زيارة كنت بـ قول لجوزي: "هي ماما فيها حاجة؟"
"ليه انت حاسة بحاجة؟"
"ما أعرفش ليا أسبوع عينى عمالة ترف ترف. مش عارفة حاسة إن ماما ماتت"
أتارى أخويا الله يرحمه مات وسايب تلات أطفال
بالنسبة لي العيد أما يكون عليا دين وأوفيه، ده العيد
لكن العيد الكبير والصغير مفيش في قلبي فرحة من ناحيتهم
لأن اللي كنت بـ نام فيه بـ قوم فيه