أنا بقى كنت رايحة كليتى مستعجلة جدا وبـ بص حواليا على العربيات علشان أركب
جيه عيل صغير اتحرش بيا ... جريت وراه بس ما لحقـتـوش
قعدت طول السكة أعيط وعرفت إنى لو ما لاقـتـوش هـ فقد احترامى لنفسى
رحت كليتى ورجعت ودورت عليه، ولاقيته
شافنى جرى استخبى فبيت، دخلت وراه
كان بيت أهله واما سألونى عملك إيه قلت بعلو صوتى …
في الوقت ده كان أهل الشارع اتجمعوا فى مدخل البيت فأهله قالوا لهم "امشوا احنا عايزينها لوحدها"
رفضت وقلت لهم "محدش ماشى"
وبعدها أهل الشارع اتجمعوا وضربوه فى بيته واعتذروا لي
وخرجت مش قادرة أستوعب إنى دخلت بيت غريب لوحدى
كان فيه احتمال إنهم يأذونى بس طلعت فخورة بنفسى وحاسة إنى قوية