أنا شخص حساس من صغري، لدرجة إني لو كلب عيط بـ عيط معاه، مش بس البشر.
وكمان أنا في فترة كبيرة من حياتي كنت فيجان،
ورجعت آكل منتجات الألبان وكده؛ عشان الزن من الأهل والأصحاب.
مش دي المشكلة، المشكلة إن أنا صوتي من وانا صغير طفولي،
يعني ما تـقدرش تـفرق لو الـلـي كان بـ يكلمك ولد أو بنت،
فالناس بـ تحكم عليا إن أنا gay أو بنوتي، وما شابه، وكده.
بس الكلام بـ يزعل، وروحت لدكاترة كبيرة في مصر،
وقالوا لي دي طبيعة الصوت، مش أكتر أو أقل.
وبدأت أقبل نفسي، ومش بـ هتم لكلام الناس؛ لأني بصراحة ما بـقـيـتـش ليا طاقة إني أتكلم،
أو أتعرف على ناس جديدة؛ لأني مش بحب وجع الدماغ، والشرح،
والمبررات الـلـي الناس مالهاش الحق فيها.