أنا كنت في البيت يومها، ما روحتش المدرسة
مثلت إن راحت عليا نومة
على وقت خروج المدرسة كنت قومت.
ما لاقيتش حاجة غير الدانش في الثلاجة، عشان كده بوظت الرجيم
قولت هـ آكل حتة واحدة بس، وبعدين رجعت تاني أخدت حتة تانية
قولت هـ قعد في البلكونة اتفرج، عشان انسى نفسي
مدرستي جنب البيت
الدكتور قال لي في حاجة اسمها الجوع الكاذب
فلازم أستنى ربع ساعة بعد ما آكل حاجة عشان أشبع.
ماما كانت نايمة،
مش هـ تصحى،
كنت عايزة أستنى نص ساعة عشان ما آكلش نص الدانش التاني،
بس فتحت التلاجة، وأكلت النص التاني
وبعدها فتحت التلفزيون،
وأكلت اتنين دانش الـلـي كانوا فاضلين في التلاجة
خلاص، باظت بقى.
الدانش
2015