فيه مليون قصة … بس دى بالذات مش هـ قدر أنساها وبـ لوم نفسى كل يوم …
كنت راجعة من درس بعد المدرسة وواقفة فى الأتوبيس وتعبانة لأنى كنت فى الشارع من الصبح ومش واكلة حاجة …
هـم بينقوا البنت اللى عارفين إنها مش هـ تتكلم، بـ ينقوكى فى ضعفك …
كنت ساندة ضهرى على عمود ورا كرسى السواق وشايفة واحد بـ يضحكلى وسط الزحمة
غمضت عينى حبة كنت هـ موت وانام لما فتحت لاقيته قدامى ماسك فى العامود اللى بسند عليه.
وكل ما الأتوبيس يقف يرمى نفسه عليا ويقولى الزحمة … ماشى زحمة بس ليه وقفت عندى؟ كل اللى عملته إنى نزلت قبل محطتى. وبما إن ما كانش معايا فلوس تانى روحت مشى.
كنت بـ موت وانا مروحة. فاكرة إنى بصيت للسما ساعتها وقلت "يا رب ادينى قوة بس أروح البيت"