عن البنوتة الـلـي بـ تكون جايبة بلوزة جديدة أو حتى لبس العيد وتخرج وهي فرحانة، وسعيدة، وتنهار كل الفرحة دي قدام حيوان بـ يقول كلمة قذرة.
عن إحساس واحدة حامل، ومنتظرة أول مولود، وبـ تتصور كل شهر عشان فرحانة بشكلها الـلـي بـ يتغير، وبطنها الـلـي كبرت
وهي نازلة تروح للدكتور تشوف طفلها بقى شكله إيه
تلاقي حيوان يعلّق على حملها
“مين عمل فيكي كده؟"
أو "داري الفضيحة يا …."
مش هـ قول هـ تكره أحلى لحظات عايشاها، بس الأكيد إن إحساسها هـ يختلف
قررت أتجنب أنزل الشارع قدر المستطاع
والخروج يكون فيه أماكن مغلقة
المتحرش مش بس بـ يأذي
مش بس خلى الستات يـ كرهوا الشارع
لا ده بـ يسرق أحلى اللحظات