نزلت أصلي العيد، وكنت لابسة فستان واسع ومش ملفت
لأني مش عايزة أسمع كلمة تـضايق.
وانا رايحة المسجد، شلة شباب واقفين عند الجامع
قعدوا يـ عاكسوا، ويـ بحلقوا على كل حته في جسمي.
روحت وصليت، وبعد ما خلصت الصلاة كنا قريبين من الكورنيش
فـقلت نـطلع نقعد شوية، أو نتمشى
ما أجرمناش.
لاقينا فيه ظباط واقفين
استغربت الحقيقة، بس قلت يمكن هــم الـلـي هـ يحمونا
وقبل ما أكمل الجملة، تلات ظباط واقفين قدامي
ما بيني وما بينهم كام سنتي
بدأوا يـ بحلقوا في صدري، ويـ قولوا كلام
أنا تنحت، وبعدين زعقت
والتاني كان بـ يغمزلي.
أمال أنا مين يحميني؟!