بابا كان دايمًا عاوزني ألبس واسع، مع إن جسمي صغير جدًا،
ولما كنا نروح نشتري لبس، وفيه حاجة على قدي، مش واسعة،
كان بـ يقول لي شكلها وحش عليا.
أغلب الوقت كان بـ ينتهي الموضوع إنه بـ يقول إن جسمي وحش،
ومفيش لبس بـ ييجي عليه، وبـ كون بعيط في الطريق منه.
كبرت، وبقيت بـ جيب لبسي بنفسي وبفلوسي؛ عشان ما يقولوش حاجة،
بس لحد دلوقتي عندي مشكلة مع الأحجام؛
أخدني وقت كبير جدًا لحد ما حبيت جسمي تاني، وبقيت بلبس الـلـي بحبه.