أنا لابسة البنطلون الغلط النهارده

أنا لابسة البنطلون الغلط النهارده

سبعة ونص، snooze
أنا غسلت شعري امبارح، مش مشكلة مش محتاجة أسرحه
تمانية إلا ربع، 5 دقايق هـ لبس، 3 دقايق هـ دخل الحمام
لأ، هـ حط الكاتل وانا في الحمام.، أشرب بوقين تلاتة من النسكافيه، مش لازم المج كلها
وانام شوية.

هاااااااا، 8
Shit, shit, shit, shit, shit, shit, shit, shit.

مستر أحمد، مستر أحمد هنا النهارده ولا لأ؟
مستر أحمد هو الـلـي هنا النهارده ولا ميس هدى؟
أوكي، أوكي، أوكي، لأ
البنطلون، القميص طالع من برا
شكله وحش أوي، مش عايزة أدخَّله.
تمانية وخمسة، هـ تأخر
مش مشكلة، مش مشكلة

عم رمضان بـ يبص لي كده ليه؟
حاسة إن هو حاسس إن بوبوهي كبيرة
يييييييييه، الولاد دول واقفين تاني
أنا بـ كرههم، مش عايزة أعدِّي من هنا، أنا مش عايزة أعدِّي.

وده كريم سعد، بـ يبص لي؟
ييي بقى، محمد الحسيني قاعد قدام
ييي، أنا لابسة البنطلون الغلط النهارده
يا رب ما يـركزوش معايا، يارب ما يـركزوش معايا
بـ كرههم، بـكره حياتي.

إيه ده؟ من غير ما حد ياخد باله
إيه ده؟ حسيني بص لي كده ليه دلوقتي؟
أنا لازم أخس، أنا لازم أخس
إيه ده؟ إيه ده؟
ما تاكـلـيـش بعد الساعة 6
ستين كيلو، هـ بدأ أهو
ستين كيلو، ستين كيلو، ستين كيلو.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر