"كان يوم خرا يوم ما جيتي
أنتِ وحشة
وعمر ما حد هـ يحبك، ولا حد هـ يفكر يتقدم لك
والـلـي يتجوزك ده تبقى أمه داعية عليه".
كانت بـ تصحيني، وتلعب معايا، وتسرح لي شعري
وفي يوم، رجعت لاقيت فيه زيطة في البيت،
وانا مش فاهمة في إيه.
قالوا لي ده فرحها،
وبعدها اختفت،
بطلت تصحيني، وتلعب معايا، وتسرح لي شعري.
بطلت تحبني علشان بـ فكرها بيه
أنا وحشة؟
أيوا أنا وحشة
هي قالت لي إن أنا وحشة علشان فيا منه
"أنتِ زيه"
"أنتِ زيه"
أنا وحشة علشان أنا زيه.
كل مرة حد يحبني، بـ حس دول أكيد مش عارفين
لو عرفوا إن أنا زيه زي ما ماما بـ تقول
أكيد هـ يكرهوني.