محدش بيحبني علشان جسمي

طول عمري جسمي مليان، وأهلي الحمد لله ما كانش عندهم مشكلة إني لازم أخس ولا حاجة.
بس وانا صغيرة، ماما كانت بـ تخاف تلبسني حاجات مفتوحة أوي؛ عشان ما أتحسدش،
وساعتها ما كـنـتـش حاسة بحاجة، ولا فاهمة إن جسمي مليان لحد ابتدائي تقريبًا،
ابتديت أسمع كلام على جسمي من أي حد، حتي لو ما يعرفـنـيـش،
كنت صغيرة برضه، بس كنت فاهمة إن عندي زيادة في الوزن.

ما كانش عندي صحاب كتير، وما كـنـتـش بـ كلِّم ناس كتير؛
بسبب إني فضلت لإعدادي مثلًا فاكرة إن محدش بـ يحبني علشان جسمي.
ومرة كنت خارجة من الفصل، والميس قالتلي: "لما تيجي الـلـي برا"،
ولما جت، روحتلها، قالتلي: "دي صغيرة، أنتِ بـ2 منها".
ساعتها ما بـيـنــتِـش أي حاجة، ولما روَّحت، فضلت أعيط،
وماما كلمتها، هزقتها، بس ده ما غيرش حاجة من الزعل الـلـي كان جوايا.

لما دخلت تالتة إعدادي، بقيت اجتماعية أكتر، وبقى ليا صحاب جديدة،
وعرفت إن محدش كان بـ يكرهني عشان جسمي ولا حاجة.
وفي ثانوي، الموضوع بقى عادي، وما بقاش موجود أصلًا.

لحد من فترة قريبة، كان فيه حد بـ يشوف الشقة بتاعتنا؛ عشان بـ نبيعها،
وهو قاعد، قال لماما: "بس بنتك محتاجة تِخِس شوية"،
وقالي: "إوعي تزعلي، أنتِ زي بنتي".
ضِحِكت، بس الحقيقة إني حسيت نفس الـلـي كنت بـ حسه وانا صغيرة.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر