كنت في مرة ماشية بعد الدرس
درسي كان الصبح في رمضان،
كان الوقت في حدود الساعة 8 صباحًا،
ماشية لوحدي كالعادة.
وفجأة ما حسيتش بنفسي
اتخدرت، واتخطفت،
وعرفت إني اتخطفت لما فوقت.
لاقيت نفسي في عمارة فاضية، ولوحدي،
قعدت أحاول أدور على مخرج.
لحد ما لاقيت واحد غريب
وشكله كان مموتني من الرعب.
ما أعرفش جات لي قدرة إزاي إني أضربه بعزم ما فيا
لحد ما وقع على الأرض.
هو كان أصلًا سكران، وعرفت أهرب منه
وجريت على أقرب محطة قريبة
هدومي كانت مبهدلة، ما همنيش الناس ولا حد،
قد ما همني إني قدرت أدافع عن نفسي،
وحمدت ربنا إني لسه عايشة.