"أنا بـ تكسف أقول إنك بنتي"
من وانا عندي أقل من 10 سنين بـ تعرض للانتقاد من الكل؛ عشان تخني،
وأولهم أبويا….
"أنتِ تخينة، لو كان شكلك عِدِل كان زمانك اتجوزتي حد عِدِل".
"أنا بـ تكسف أمشي جنبك".
بقالي 30 سنة عايشة في ده، وانا مش تخينة أصلًا….
لو قعدنا بالشهور مش بـ نشوف بعض،
قبل ما بـ يسلم عليا بـ يأكد على معلومة إني تخنت، بجانب أي انتقاد تاني.
الإحباط الـلـي وصلتله من إن عمري ما هـ رضى عن شكلي مدمرني،
الناس بـ تقول إني حلوة كده، وانا أما بـ خس ببقى أحلى كمان، بس خلاص الإحباط تملك مني.
بطلت أهتم، بطلت حتى أسرح شعري أو ألبس لبس مهندم،
أصل على رأيهم في البيت: "وإيش تعمل الماشطة؟"
تعبت، كأن تخني كاسفني، ومانعني أعيش حياتي وارضى أو أتبسط.
لو كان أبويا بـ يحبنى كنت هـ حب نفسي، بس ما شـوفـتـش غير انتقاد،
أنا عارفة إني تخينة، وفشلت في كل المحاولات،
مش محتاجة حد يأكد لي المعلومة.
الأهل المفروض يحمدوا ربنا إن عندهم أولاد صحتهم كويسة،
وبـ يتكلموا، ويمشوا، مش مصابين ولا ذوي إعاقة، مش يعيقوهم بكلامهم.
مستنية اليوم الـلـي مش هـ حمِل فيه هم دخلته عليا، وجملته الشهيرة:
"أنا عارف مش المفروض أقول كده، بس تخنتي أوي".