عمري ما حلمت إني ألبس فستان أبيض وطرحة
بس عايشة وسط ناس بـ يطلبوا مني أقدم تقرير كل سنة
بـ قول فيه ليه ما لبستهوش
لو ما كنتوش موجودين، يمكن كنت أقدر أحلم
ويمكن الحلم ده كان يبقى فيه بيت
ما كنتش هـ تنازل عن أي جزء من أنوثتي
كنت هـ بقى فخورة إني بنت
كنت هـ بقى شويكار أو ميرفت أمين
كنت هـ بقى فخورة إني ست
لكن في اللحظة دي أنا في حالة حرب
حاسة إني بقيت راجل بـشنب ودقن
وإن من كتر الزعيق وسب الأديان طلعت لي تفاحة آدم