مشهد أول:
"هـ نعمل لها ختان، إيه رأيك؟"
"عاوزة تعملي لها أو لأ براحتك"
مشهد تاني:
"تعالي أحط لك كريم إزالة الشعر ده، افتحي رجلك وسـيـبـيـه 5 دقايق، وهـ آجي أشيله"
"أنا مش عاوزة العملية" (بـ تعيط)
"الختان هـ يخليكي أجمل"
مشهد تالت:
"مش هـ شيل من البظر لأنه مش باين، هـ شيل من الشفرات
وهاتي الـلـي مكتوب في الروشتة ده من الصيدلية"
مشهد رابع:
"قل أعوذ برب الناس، ملك الناس، إله الناس"
"يا رب أنا مش عاوزة أموت" (منهارة)
مشهد خامس:
"إرفعي رجليها جامد"
البنت أغمى عليها. الأم بـ تخبط علي وشها علشان تفوق.
مشهد سادس:
"الجيران لما يـ شوفونا بـ نسندها أكيد هـ يسألونا مالها"
"خليهم يسألوا، ما هو إحنا عايزين نعرَّفهم إنها اتـخـتـنـت"
مشهد سابع:
"مبروك يا حبيبتي، عقبال ما تفرحي بجوازها"
مشهد تامن:
"السلك داب من الشفرة، بس الشفرة التانية لسه فيها بقاله شهور"
"ما قولـتـيـش لمامتك ليه عـشـان تروحوا للدكتورة تفك لك السلك؟"
"خايفة! مش عاوزة أروح لدكاترة وافتح رجلي تاني!
مش هـ قول لها، خليه يفضل 100 سنة"
الـ 8 مشاهد دول الـلـي فاكراهم من الجريمة الـلـي سببت لي تشويه نفسي وجسدي من سن 10 سنين. والتجميل الـلـي أمي كـلـمـتـنـي عنه خلاني أكره أشوف الجزء ده من جسمي في المراية
وهـ ضطر أعمل تجميل حقيقي، بس المرة دي عند دكتور تجميل.