لما كانت مصلحة السجون تمر في الحوش
كنت أقدم الورق بتاعي وكنت أروح الزيارات لأخويا
وأخلي أخويا يجي لي زيارات في السجن
كان بـ يعمل الموضوع ده الناس اللي أحكامها كبيرة
كنت بـ روح أقدم أوراق ليهم لأن أخويا كان واخد 15 سنة وانا كنت واخدة 16
كنت أطلع أجري وأقدم ورق مع إنه كان ممنوع عندنا حد يطلع الحوش ساعة المرور
رحت لأخويا برج العرب
وبرج العرب ده بعد إسكندرية كمان صحراوي
يومها كنا في رمضان
ويا دوبك احنا دخلنا كده عشان نشوفهم
أول ما سلمنا عليهم المغرب قال "الله اكبر"، راحوا مركبينا العربية على طول
"طب نفطر معاهم!" مفيش
كلنا بقينا نعيط المغرب بـ يدن وخلاص هـ نفطر معاهم
ركبونا العربية ومشينا …